«Реал» бош мураббийи Альваро Арбелоа ўз фаолияти ҳақида фикр билдирди. Арбелоа «қаймоқранглилар» бошқарувига келганига роппа-роса бир ой бўлди.

— Орадан бир ой ўтди. Жамоанинг энг яхши версиясини қандай тасаввур қиласиз?

— Мен фақат эртанги ўйин ҳақида ўйлаяпман. Ҳар доим ўсиш ва ривожланиш учун жой топилади. Бу ҳафтада ўтказган машғулотларимиздан кўнглим тўлди.

— Бу иш айнан шундай бўлишини кутганмидингиз?

— Дунёнинг энг яхши жамоаси мураббийи бўлиш — бу шараф ва бахт. Мен бундан то сўнгги кунимгача завқ оламан.

Эслатиб ўтамиз, шанба куни, 14 февраль куни «Реал» ўз майдонида «Реал Сосьедад»ни қабул қилади. «Сантьяго Бернабеу» стадионидаги учрашув Тошкент вақти билан соат 01:00 да (15 февралга ўтар кечаси) бошланади.