"Пари Сен-Жермен" бош мураббийи Луис Энрике Усмон Дембеленинг "Ренн"га қарши бой берилган ўйин ҳақидаги фикрларига муносабат билдирди.
Парижликлар Лигa 1 доирасидаги сафар баҳсида 1:3 ҳисобида имкониятни бой беришди. Финал ҳуштагидан сўнг Дембеле жамоа ўтган мавсумдаги муваффақият гарови бўлган жипсликни йўқотганига шаъма қилди.
"Мен ҳеч қачон ўйинчининг ўзини клубдан устун қўйишига йўл қўймайман — бу ерда ҳамма нарса аниқ. Жамоа учун жавобгарлик менинг бўйнимда. Клуб президенти ёки спорт директори эмас. Дембеленинг бу сўзлари ҳеч қандай қийматга эга эмас — улар шунчаки бой берилган ўйиндан кейинги ҳиссиётлар маҳсулидир", — деди Энрике матбуот анжуманида.
Айнан Усмон Дембеле жума кунги "Ренн"га қарши учрашувда "ПСЖ"нинг ягона голига муаллифлик қилган эди.
