Португалия терма жамоасининг собиқ устози Фернанду Сантуш жаҳон футболининг икки суперюлдузи — аргентиналик Лионель Месси ва португалиялик Криштиану Роналдуни ўзаро таққослади.
"Уларни солиштириб бўлмайди. Сиз Бетховен ва Моцарт ўртасида кимни танлаган бўлардингиз? Ахир улар ҳақиқий даҳоларку. Кимгадир Лео услуби кўпроқ ёқади, кимдир эса Криштианунинг ўйинини афзал кўради. Аммо танлов қилиш керак бўлса, совринларга қараш лозим. Бу борада Роналду ғалаба қозонади", — дея таниқли мутахассиснинг сўзларини келтиради "Record" нашри.
Ҳозирда Месси Американинг "Интер Майами" жамоасида тўп тепмоқда, Роналду эса Саудия Арабистонининг "Ал-Наср" шарафини ҳимоя қилмоқда.
