"Брайтон" марказий ярим ҳимоячиси Карлос Балеба Франциянинг "ПСЖ" клубига ўтиши мумкин. Бу ҳақда журналист Экрем Конур хабар бермоқда.

Манбанинг маълумотларига кўра, Балеба парижликларнинг трансфер нишонига айланган ва улар футболчининг хариди учун 70-75 миллион евро ажратишга тайёр. Ушбу пойгада, шунингдек, "Манчестер Юнайтед", "Челси", "Тоттенхэм" ва "Ньюкасл" клублари ҳам иштирок этмоқда.

Шуни эслатиб ўтиш жоизки, ўтган ёзда "Манчестер Юнайтед" Балебани сотиб олишга уринган эди, бироқ клуб сўралган 100 миллион еврони тўлашдан бош тортган. Ҳозирги вақтда футболчининг нархи жорий мавсумдаги ёмон спорт формаси туфайли пасайган.

22 ёшли Балеба ҳисобида барча мусобақаларда 24 та ўйин бор ва у бирорта ҳам самарали ҳаракатни амалга оширмаган.