"Brayton" markaziy yarim himoyachisi Karlos Baleba Fransiyaning "PSJ" klubiga o‘tishi mumkin. Bu haqda jurnalist Ekrem Konur xabar bermoqda.

Manbaning ma’lumotlariga ko‘ra, Baleba parijliklarning transfer nishoniga aylangan va ular futbolchining xaridi uchun 70-75 million yevro ajratishga tayyor. Ushbu poygada, shuningdek, "Manchester Yunayted", "Chelsi", "Tottenxem" va "Nyukasl" klublari ham ishtirok etmoqda.

Shuni eslatib o‘tish joizki, o‘tgan yozda "Manchester Yunayted" Balebani sotib olishga uringan edi, biroq klub so‘ralgan 100 million yevroni to‘lashdan bosh tortgan. Hozirgi vaqtda futbolchining narxi joriy mavsumdagi yomon sport formasi tufayli pasaygan.

22 yoshli Baleba hisobida barcha musobaqalarda 24 ta o‘yin bor va u birorta ham samarali harakatni amalga oshirmagan.