"Ньюкасл"нинг етакчи ярим ҳимоячиси Бруно Гимараэс Англия Премьер-лигасининг 26-тури доирасида Лондоннинг "Тоттенхэм" клубига (2:1) қарши кечган яқиндаги баҳсда жароҳат олди. Шикастланиш сабабли футболчи ўйин сўнгида алмаштирилди.
Ярим ҳимоячи тиббий кўрикдан ўтди ва унда тизза ости пайларининг жароҳати аниқланди. Бруно камида икки ойни лазаретда ўтказадиган бўлди.
Жорий мавсумда Гимараэс "қарғалар" таркибида 35 та учрашувда майдонга тушиб, 9 та гол ва 6 та голли узатмага муаллифлик қилди.
28 ёшли футболчининг шартномаси 2028 йилнинг ёзига қадар мўлжалланган, унинг бозор қиймати эса 75 миллион еврони ташкил этади.
