"Nyukasl"ning yetakchi yarim himoyachisi Bruno Gimaraes Angliya Premyer-ligasining 26-turi doirasida Londonning "Tottenxem" klubiga (2:1) qarshi kechgan yaqindagi bahsda jarohat oldi. Shikastlanish sababli futbolchi o‘yin so‘ngida almashtirildi.
Yarim himoyachi tibbiy ko‘rikdan o‘tdi va unda tizza osti paylarining jarohati aniqlandi. Bruno kamida ikki oyni lazaretda o‘tkazadigan bo‘ldi.
Joriy mavsumda Gimaraes "qarg‘alar" tarkibida 35 ta uchrashuvda maydonga tushib, 9 ta gol va 6 ta golli uzatmaga mualliflik qildi.
28 yoshli futbolchining shartnomasi 2028 yilning yoziga qadar mo‘ljallangan, uning bozor qiymati esa 75 million yevroni tashkil etadi.
