"Манчестер Сити" бош мураббийи Хосеп Гвардиола ҳужумкор ярим ҳимоячи Фил Фоден ҳақида ўз фикрларини билдирди.
"Унинг даражасига заррача шубҳам йўқ. Унга фақат куч тўплаш ва ўйинга эътибор қаратиш керак. Яқин ўтмишда Фил Премьер-лиганинг энг яхши футболчиси эди — бунга бор-йўғи бир неча мавсум бўлди, 20 аср ўтгани йўқ. Бундай истеъдодга эга бўлганингизда, шунчаки дам олишингиз ва ўйиндан завқланишингиз керак", — дея City Report Гвардиоланинг сўзларини келтирмоқда.
Бугун Англия Кубогининг тўртинчи босқичи доирасида "шаҳарликлар"нинг баҳси бўлиб ўтади — рақиб "Солфорд Сити" жамоаси. Учрашув Тошкент вақти билан соат 20:00 да бошланиши режалаштирилган.
