"Ливерпуль" бош мураббийи Брендан Рожерс клуб ва ҳужумчи Луис Суарес ўртасидаги муносабатларнинг қандай изига тушиб кетиши ҳақида фикрлари билан ўртоқлашди. Бу ҳақда клуб расмий сайти хабар бермоқда.
"Қийин вазиятдан чиқишимиз лозим. Мен ва клуб қайси позицияда эканимиз ҳақида кўп гапирилди. Ҳаммаси жуда оддий - агар сен биз белгилаган мажбурият ва стандартларга риоя қилмас экансан, у ҳолда ўйнамайсан.
Агар бизга фақат ўтириш ва кутиш қолса, майли. Лекин клубнинг қадри баланд ва биз муаммони тинчлик йўли билан ҳал қилиш тарафдоримиз.
Шахсан ўзим ва Суарес ўртасида муаммо йўқ. Лекин мен клуб ва жамоани ҳурмат қилишим керак. Шундай экан мен ўйинчининг клуб олдидаги мажбуриятларига бўйсуниши учун кафолат олмагунимча, муаммо ҳал бўлмайди", деди Рожерс.
