"Ливерпуль" бош мураббийи Арне Слот жамоа ярим ҳимоячиси Кёртис Жонсга катта клублар томонидан бўлаётган қизиқишлар ҳақида фикр билдирди.

"Кёртис Жонсга катта клублар қизиқиш билдираётгани мутлақо табиий ҳол. Биз у билан шартномани узайтиришга ҳаракат қиляпмиз, бироқ уни ўз сафига қўшиб олмоқчи бўлган клублар ҳам бор. У яқин ҳафталар, ойлар ва кейинги мавсум учун ҳам режаларимизнинг бир қисми бўлиб қолади", — дея Слотнинг сўзларини келтиради журналист Фабрицио Романо.

25 ёшли Жонс — "Ливерпуль" тарбияланувчиси ҳисобланади. Жорий мавсумда ярим ҳимоячи барча мусобақаларда 32 та ўйинда майдонга тушиб, битта голли узатмани амалга оширди.

Хавбекнинг мерсисайдликлар билан тузилган меҳнат шартномаси 2027 йилнинг ёзига қадар мўлжалланган. "Transfermarkt" экспертлари унинг қийматини 40 миллион еврога баҳолашмоқда.