Миланнинг "Интер" клуби қанот ҳимоячиси Дензел Дюмфрис жорий мавсум якунидан сўнг жамоасини ўзгартириши мумкин.
Журналист Экрем Конурнинг маълумотига кўра, келаётган ёзда Дюмфриснинг шартномасида 25 миллион евро миқдоридаги товон пули ҳақидаги банд кучга киради. Бироқ ундан фақат Италия чемпионатида иштирок этмайдиган клублар фойдаланиши мумкин.
Манбанинг таъкидлашича, ёзда Мадриднинг "Атлетико" клуби қишки трансфер ойнасида Дюмфрисни қўлга киритишга уринган "Ливерпуль"га рақобат таклиф қилишга тайёр.
Ушбу мавсумда 29 ёшли нидерландиялик футболчи барча турнирларда 15 та ўйинда майдонга тушиб, ўз ҳисобига 3 та гол ёздириб қўйди.
