"Барселона" бош мураббийи Ханс-Дитер Флик Испания Кубоги доирасида Мадриднинг "Атлетико" клубига қарши кечадиган жавоб баҳсида йирик тактик ўзгаришлар қилиш ниятида. Бу ҳақда "The Touchline" нашри хабар бермоқда.

Эслатиб ўтамиз, Испания Кубоги ярим финалининг дастлабки учрашувида "Барселона" сафарда "Атлетико"га 0:4 ҳисобида имкониятни бой берган эди.

Манбанинг маълумотига кўра, агар ҳужумда максимал даражада агрессив ҳаракат қилинса, "Барселона" тўртта тўп фарқини йўққа чиқара олишига ишонмоқда. Тахминларга кўра, Флик бир вақтнинг ўзида майдонга Роберт Левандовски, Маркус Рэшфорд, Рафинья Диас ва Ламин Ямални туширади.

Испания Кубоги 1/2 финалининг "Барселона" ва "Атлетико" ўртасидаги жавоб учрашуви 3 март куни бўлиб ўтади. Ўйин Тошкент вақти билан соат 01:00 га белгиланган.