"Barselona" bosh murabbiyi Xans-Diter Flik Ispaniya Kubogi doirasida Madridning "Atletiko" klubiga qarshi kechadigan javob bahsida yirik taktik o‘zgarishlar qilish niyatida. Bu haqda "The Touchline" nashri xabar bermoqda.

Eslatib o‘tamiz, Ispaniya Kubogi yarim finalining dastlabki uchrashuvida "Barselona" safarda "Atletiko"ga 0:4 hisobida imkoniyatni boy bergan edi.

Manbaning ma’lumotiga ko‘ra, agar hujumda maksimal darajada agressiv harakat qilinsa, "Barselona" to‘rtta to‘p farqini yo‘qqa chiqara olishiga ishonmoqda. Taxminlarga ko‘ra, Flik bir vaqtning o‘zida maydonga Robert Levandovski, Markus Reshford, Rafinya Dias va Lamin Yamalni tushiradi.

Ispaniya Kubogi 1/2 finalining "Barselona" va "Atletiko" o‘rtasidagi javob uchrashuvi 3 mart kuni bo‘lib o‘tadi. O‘yin Toshkent vaqti bilan soat 01:00 ga belgilangan.