Португалия терма жамоаси устози Роберто Мартинес 41 ёшли ҳужумчи Криштиану Роналду билан ишлаш борасида ўз фикрларини билдирди.
"Унга мураббийлик қилиш жуда осон. Криштиану бошқалар учун намунадир. У терма жамоада ўйнаш учун нималар кераклигини кўрсатиб беради. У туғма тўпурар ва биз учун жуда муҳим футболчи", — дея бош мураббийнинг сўзларини келтиради BBC.
Роналду миллий жамоа сафида 226 та учрашув ўтказган. Ҳужумчи ўз ҳисобига 143 та гол ёздириб қўйишга муваффақ бўлган.
Клуб миқёсида ҳужумчи 2023 йилнинг январидан буён Саудиянинг "Ан-Наср" жамоасида тўп сурмоқда. Ҳужумчи бойкот туфайли сўнгги бир нечта ўйинларни ўтказиб юборди.
