Portugaliya terma jamoasi ustozi Roberto Martines 41 yoshli hujumchi Krishtianu Ronaldu bilan ishlash borasida o‘z fikrlarini bildirdi.
"Unga murabbiylik qilish juda oson. Krishtianu boshqalar uchun namunadir. U terma jamoada o‘ynash uchun nimalar kerakligini ko‘rsatib beradi. U tug‘ma to‘purar va biz uchun juda muhim futbolchi", — deya bosh murabbiyning so‘zlarini keltiradi BBC.
Ronaldu milliy jamoa safida 226 ta uchrashuv o‘tkazgan. Hujumchi o‘z hisobiga 143 ta gol yozdirib qo‘yishga muvaffaq bo‘lgan.
Klub miqyosida hujumchi 2023 yilning yanvaridan buyon Saudiyaning "An-Nasr" jamoasida to‘p surmoqda. Hujumchi boykot tufayli so‘nggi bir nechta o‘yinlarni o‘tkazib yubordi.
