"Борнмут" ҳужумчиси Эли Жуниор Крупи трансфер бозорида катта қизиқиш уйғотмоқда. Бу ҳақда "Teamtalk" журналистлари хабар берди.

Манба берган маълумотларга кўра, 19 ёшли француз футболчиси учун кечаётган пойгада қуйидаги клублар иштирок этмоқда: "Манчестер Юнайтед", "Манчестер Сити", "Ливерпуль", "Челси", "Арсенал", "Ньюкасл", "Тоттенхэм" ва "Астон Вилла".

Крупи "гилослар" билан 2030 йилнинг июнь ойи охиригача мўлжалланган шартнома орқали боғланган. Футболчининг бозор қиймати 22 миллион еврони ташкил этади.

Англия Премьер-лигасининг жорий мавсумида француз футболчиси 21 та учрашувда майдонга тушди ва 8 та гол уришга муваффақ бўлди.