Премьер-лига тўпурарлар пойгасида иккинчи ўринда бораётган "Брентфорд" ҳужумчиси Игор Тьяго трансфер бозорида талабгир бўлиб турибди.
"Teamtalk" журналистларининг маълумотларига кўра, 24 ёшли бразилиялик форвард билан шартнома имзолашга Мюнхеннинг "Бавария", Лондоннинг "Челси" ва "Манчестер Сити" клублари қизиқиш билдирмоқда.
Англия чемпионатининг жорий мавсумида Тьяго 26 та учрашув ўтказиб, ўз ҳисобига 17 та гол ва битта голли узатмани ёздириб қўйди.
Бразилиялик футболчи шу ҳафтада "арилар" билан шартномасини 2031 йилнинг ўрталарига қадар узайтирди. Тьягонинг трансфер қиймати "Transfermarkt" порталида 35 миллион еврога баҳоланмоқда.
