Жума куни Рафа Маркес ўз туғилган кунини нишонлади. Ўтмишнинг машҳур мексикалик футболчиси 47 ёшни қарши олди. «Барселона» марказий ҳимоячи позициясида тўп тепган ўз собиқ ўйинчисини табриклади.
«Туғилган кунинг билан, Рафа!» — дейилади «кўк-анорранглилар» хабарида.
Рафа Маркес 2003-2010 йиллар давомида «Барселона» шарафини ҳимоя қилган. Ўша давр ичида мексикалик футболчи 242 та ўйинда майдонга тушиб, ўз ҳисобига 13 та гол ва 13 та голли узатмани ёздириб қўйган. 2022-2024 йилларда Маркес «кўк-анорранглилар»нинг ёшлар жамоасини бошқарди. Ҳозирда Рафа Мексика терма жамоаси мураббийлар штабидан жой олган.
«Барселона» навбатдаги ўйинини 16 февраль куни «Жирона»га қарши ўтказади.
