"ПСЖ" жорий чемпионатда аввалги икки мавсумнинг ҳар бирига қараганда кўпроқ ўйинда мағлубиятга учради.
Кеча Луис Энрике шогирдлари 22-тур доирасида сафарда "Ренн" жамоасига имкониятни бой беришди — 1:3.
29 ноябрь куни парижликлар Лига 1 баҳсларида "Монако"га (0:1), 22 сентябрда эса "Марсель"га (0:1) ютқазиб қўйишган эди. Шу тариқа, уларнинг ҳисобида аллақачон учта мағлубият мавжуд.
Таққослаш учун, 2024/25 ва 2023/24 йилги мавсумларнинг ҳар бирида "ПСЖ" чемпионат давомида жами икки мартадангина мағлубият аламини тортган эди.













