"Ювентус" клуби директори Жоржо Кьеллини Италия чемпионати 25-тури доирасида "Интер"га қарши ўтган учрашув (2:3)дан сўнг ҳакамлик борасида ўз фикрларини билдирди.

— Бугун содир бўлган воқеалардан сўнг футбол ҳақида гапиришнинг ўзи қийин. Бугун мутлақо қабул қилиб бўлмайдиган ҳолат юз берди — бу биз биланми ёки бошқа жамоа биланми, фарқи йўқ. Эҳтимол, эртадан бошлаб VAR тизимини ўзгартириш керак бўлар, чунки бундай муҳим ўйинларда шунча хатоларнинг такрорланишига йўл қўйиб бўлмайди. Мавсум бошиданоқ бутун дунёга ҳакамлик даражаси талабларга жавоб бермаётганини етказишга ҳаракат қилдик ва афсуски, бугун айнан шуни ҳаммага намойиш этдик. Бу мавсумда бундай ҳолатлар кўплаб жамоалар билан содир бўлди. Биз ўзгариш қилишимиз шарт, Италия футболисида одат бўлганидек, бу масалани кейинга суришда давом эта олмаймиз, — дея Кьеллинининг сўзларини Football Italia нашри келтиради.

Эслатиб ўтамиз, биринчи тайм охирида учрашув бош ҳаками «Ювентус» ҳимоячиси Пьер Калюлюни майдондан ноҳақ четлатди. Иккинчи сариқ карточка туфайли ўйинчига қизил карточка кўрсатилгани боис вазиятга ВАР тизими аралаша олмасди. Ушбу қарор туринликлар мураббийлар штаби норозилигига сабаб бўлди ва натижада танаффус пайтида туннел остида мураббийлар штаби билан ҳакам ўртасида тўқнашув чиқиб кетишига сал қолди.