«Ливерпуль» клуби «Вулверхэмптон»нинг 18 ёшли инглиз ҳужумчиси Матеуш Маненинг вакиллари билан шахсий музокаралар ўтказди ва шартнома шартларини келишиб олди. Бу ҳақда «Fichajes» нашри ёзмоқда.
Манбанинг маълумотига кўра, мерсисайдликлар ҳужумчини 50 миллион фунт стерлинг эвазига сотиб олишга тайёр эканликларини билдиришган. Ҳужумчининг ўзи ҳам «Вулверхэмптон»нинг АПЛдан чиқиб кетиш эҳтимоли юқори бўлгани сабабли кучлироқ клубга ўтишга қизиқиш билдирмоқда.
Манега «Манчестер Юнайтед» ҳам даъвогарлик қилган эди. Бироқ ҳозирда «Ливерпуль» ўйинчи билан шартнома имзолашга яқинроқ турибди. Ушбу мавсумда ҳужумчи АПЛда клуб сафида 15 та ўйинда майдонга тушиб, 2 та гол урди.
