«Liverpul» klubi «Vulverxempton»ning 18 yoshli ingliz hujumchisi Mateush Manening vakillari bilan shaxsiy muzokaralar o‘tkazdi va shartnoma shartlarini kelishib oldi. Bu haqda «Fichajes» nashri yozmoqda.

Manbaning ma’lumotiga ko‘ra, mersisaydliklar hujumchini 50 million funt sterling evaziga sotib olishga tayyor ekanliklarini bildirishgan. Hujumchining o‘zi ham «Vulverxempton»ning APLdan chiqib ketish ehtimoli yuqori bo‘lgani sababli kuchliroq klubga o‘tishga qiziqish bildirmoqda.

Manega «Manchester Yunayted» ham da’vogarlik qilgan edi. Biroq hozirda «Liverpul» o‘yinchi bilan shartnoma imzolashga yaqinroq turibdi. Ushbu mavsumda hujumchi APLda klub safida 15 ta o‘yinda maydonga tushib, 2 ta gol urdi.