Испаниялик латераль Марк Кукурелья Лондоннинг «Челси» клуби билан янги меҳнат шартномасини имзолаши мумкин. Футболчининг амалдаги шартномаси 2028 йилнинг ўрталарига қадар мўлжалланган.
«Teamtalk» нашрининг маълумотларига кўра, «аристократлар» 28 ёшли футболчининг вакиллари билан музокараларни бошлашган. Кукурельянинг ўзи ҳам Лондон клуби билан янги келишувни расмийлаштиришга қарши эмас.
Жорий мавсумда Кукурелья «аристократлар» сафида 35 та учрашув ўтказиб, ўз ҳисобига битта гол ва учта голли узатмани ёздириб қўйди. «Transfermarkt» портали экспертларининг баҳосига кўра, ҳимоячининг бозор қиймати 50 миллион еврога баҳоланмоқда.
