"Челси"нинг собиқ футболчиси Эден Азар Жозе Моуриньо қўл остида ўтказган даври ҳақида гапирди.

"Моуриньо келганидан кейинги биринчи йилни эслайман, мен "Лилль" билан ўйинни томоша қилиш учун борган эдим ва қайтишда паспортимни йўқотиб қўйган эдим. Улар мени Англияга қайтариб юборишмади, шунинг учун машғулотларни ўтказиб юбордим. Машғулотлар аллақачон тугаганидан кейин, соат иккилар атрофида Англияга келдим.

Мен Моуриньодан узр сўрашим керак эди. Бу мен учун жуда қийин вазият эди. Кейинги ҳафта Моуриньо мени таркибдан чиқариб юборди ва бу менинг айбим эканлигини айтди.

Аммо дам олиш кунларига келиб мен яна ўйнай бошладим", деди Азар.