«Ньюкасл» бош мураббийи Эдди Хау марказий ярим ҳимоячи Бруно Гимараэснинг жароҳати борасида ўз фикрларини билдирди.

«Қарғалар» етакчиси «Тоттенхэм»га қарши кечган сўнгги учрашувда тизза ости пайини шикастлаб олди — у икки ойга сафдан чиқди.

«Унинг тезроқ тузалиши учун бирор сеҳрли восита бор деб ўйламайман. Менимча, у март ойидаги халқаро танаффус якунида машғулотларга қайтади. Бу биз учун катта зарба. Ҳозир мавсумнинг энг муҳим палласи, у эса тушкун ҳолатда», — деди Хау.

Бразилия терма жамоаси ярим ҳимоячиси жорий мавсумда барча турнирларда 35 та ўйинда иштирок этиб, тўққизта гол ва еттита голли узатмага муаллифлик қилди.