Ўтмишнинг машҳур футболчиси Андрес Иньеста янги иш жойига эга бўлиши мумкин. BBC нашрининг Glasgow Times’га таяниб хабар беришича, 41 ёшли Иньестани Марокаш терма жамоаси ўз сафига чорламоқда.
Манбанинг таъкидлашича, Иньестага Марокаш миллий терма жамоаси техник директори лавозими таклиф қилиниши мумкин.
Шу ёзда Марокаш терма жамоаси Жаҳон чемпионатида иштирок этади. Гуруҳ босқичида жамоа Бразилия, Шотландия ва Гаитига қарши баҳс олиб боради.
Қайд этиш лозимки, ўтган Жаҳон чемпионатида Марокаш тўртинчи ўринни эгаллаган эди. «Атлас шерлари» ярим финалда Францияга (0:2), учинчи ўрин учун баҳсда эса Хорватияга (1:2) имкониятни бой беришганди.
