Мадриднинг «Реал» клуби ўнг қанот ҳимоячиси Трент Александер-Арнольд сафга қайтганидан сўнг ўз ўйини билан бош мураббий Альваро Арбелоани ҳайратда қолдира олди.
Англиялик футболчи жароҳатини даволаб, яқинда Ла Лига доирасида «Реал Сосьедад»га қарши кечган баҳсда декабрь ойидан бери илк бор асосий таркибда майдонга тушди. 27 ёшли футболчи голли узатмани амалга оширди ва ёрқин ўйин кўрсатди. Marca нашрининг маълумотларига кўра, Трент Чемпионлар лигасининг бўлажак «Бенфика»га қарши учрашувида албатта асосий таркибда майдонга тушади. «Қаймоқранглилар» устозида «Ливерпуль»нинг собиқ юлдузи борасида ҳеч қандай шубҳа йўқ.
«Бенфика» ва «Реал» ўртасидаги қарама-қаршиликнинг дастлабки ўйини сешанба куни Лиссабонда бўлиб ўтади. Ўйиннинг бошланиши Тошкент вақти билан тунги соат 01:00 га белгиланган.
