Мадриднинг «Реал» клуби ҳужумчиси Винисиус Жуниор Криштиану Роналду билан бир жамоада тўп суришни истаганини тан олди.
Бразилиялик футболчи «қироллик клуби» сафига 2018 йилнинг ёзида келиб қўшилган эди. Айнан ўша вақтда юлдуз португалиялик жамоани тарк этган — уни «Ювентус» сотиб олганди.
«Афсуски, Роналду билан бирга ўйнаш насиб қилмади. Унинг айнан мен «Реал»га келишимдан олдин кетгани жуда ачинарли. Бироқ мен бошқа буюк футболчилар билан бирга ўйнадим, шунинг учун нолишга ҳожат йўқ. Карим Бензема, Лука Модрич каби жамоадошларим бўлган — улар ҳам жуда маҳоратли», — дея Винисиуснинг сўзларидан иқтибос келтирилмоқда.
2023 йил бошидан бери Криштиану Роналду Саудия Арабистонининг «Ан-Наср» жамоаси шарафини ҳимоя қилмоқда.
