«РБ Лейпциг» ҳужумкор ярим ҳимоячиси Ян Диоманде Лондоннинг «Арсенал» клуби қизиқишлари доирасида бўлиб турибди. «Канонирлар» ивуарлик футболчини Габриэл Мартинеллининг ўрнига сотиб олишлари мумкин.
Teamtalk маълумотларига кўра, агар вингер учун 100 миллион евро тўланса, Германия томони уни қўйиб юборишга тайёр. Диоманденинг «Лейпциг» клуби билан шартномаси 2030 йилнинг ўрталаригача мўлжалланган.
Жорий мавсумда ярим ҳимоячи 24 та ўйинда иштирок этиб, ўз ҳисобига тўққизта гол ва бешта голли узатмани ёздириб қўйди.
«Арсенал» Англия чемпионати турнир жадвалида пешқадамлик қилмоқда ва энг яқин таъқибчисини тўрт очкога ортда қолдирмоқда.
