"Манчестер Юнайтед"да янги бош мураббий танлашда қийинчилик юзага келди. Клуб раҳбарияти Юлиан Нагельсманн номзодига мойиллик билдирмоқда. Бироқ жамоа етакчиларининг гуруҳлари бу вариантга қарши.
Topskills Sports UK хабарига кўра, Бруну Фернандеш ва бошқа бир қатор етакчилар келаси мавсум бош мураббий сифатида Майкл Кэррикнинг қолишини истамоқда. Улар ҳозирги мураббий билан яхши алоқа ўрнатган ва унинг номзодини раҳбарият олдида ҳимоя қилишга тайёр.
Аввалроқ, "МЮ" Рубен Аморимни истеъфога чиқарган эди. Унинг ўрнига Кэррик тайинланди. Маълум бўлишича, Майкл жорий мавсум охиригача вақтинчалик мураббий ҳисобланади.
