Юрген Клоппнинг агенти Марк Косицке германиялик мураббийнинг фаолиятини давом эттириши мумкин бўлган вариантлар ҳақида тўхталиб ўтди. «Ливерпуль»нинг собиқ менежери 2023-24 йилги мавсум якунида истеъфога чиққан эди ва ҳозирда Red Bull компаниясининг футбол бўлими глобал раҳбари сифатида фаолият юритмоқда.
«Red Bull’га ўтишдан олдин Юрген АҚШ ёки Англия терма жамоаларини бошқариши мумкин эди. Агар Юлиан Нагельсманн бўлмаганида, балки Германия термасини ҳам. Юрген бошқа инглиз клубини бошқармаслигини аниқ айтганига қарамай, «Челси» ва «Манчестер Юнайтед»дан таклифлар бўлди. Бундай сўровлар тўхтагани йўқ», — деди Косицке Transfermarkt порталига берган интервьюсида.
Клопп 2015 йилнинг октябридан 2024 йилнинг майигача «Ливерпуль»ни бошқарди. Унинг қўл остида «қизиллар» узоқ танаффусдан сўнг Англия чемпиони бўлишди, уч бор УЕФА Чемпионлар Лигаси финалига чиқиб, бир марта бош совринни қўлга киритишди
