Испания чемпионати 24-туридан ўрин олган сафардаги баҳсда Каталониянинг "Барселона" клуби кутилмаганда "Жирона"га 1:2 ҳисобида имкониятни бой берди.
Учрашувнинг энг сўнгги дақиқаларида мезбонлар аъзоси Хоэль Рока "кўк-анорранглилар"нинг 18 ёшли юлдузига қарши жуда қўпол тарзда ташланди. Ушбу вазиятдан сўнг Ямал майдондан дарҳол туриб, рақибига нисбатан тажовузкорлик кўрсатди. Тўқнашув каттароқ можарога айланиб кетмаслиги учун жамоадошлари Ламинни ушлаб қолишга мажбур бўлишди.
Қайд этиш жоизки, мазкур ўйинда Ямал 11 метрлик жарима зарбасини (пенальти) голга айлантира олмади.
Ушбу мағлубиятдан сўнг "Барселона" Ла Лига жадвалида Мадриднинг "Реал" клубидан икки очко ортда қолган ҳолда иккинчи ўринни эгаллаб турибди.
