Римнинг "Рома" клуби собиқ сардори Франческо Тотти ўз вақтида португалиялик мутахассис Жозе Моуриньо билан бирга ишламаганидан афсусда эканини тан олди. Моуриньо яқиндагина Рим клубини бошқарган эди, бироқ Тотти фаолиятини 2017 йилдаёқ якунлагани сабабли уларнинг йўллари майдонда кесишмади.
"Менимча, Моуриньо қўл остида ўзимни максимал даражада кўрсата олган бўлардим. Чунки менга унинг очиқкўнгил инсон экани ва футболчиларга майдонда завқланиб ўйнашга имкон бериши ҳақида айтишганди. У жамоани аъло даражада бошқаради. Таркибингда шунча кўп машҳур футболчилар бўлганида, уларни шунчаки машқ қилдириш эмас, балки бошқара олиш муҳимдир", — дея Тоттининг сўзларини келтиради fcinter1908.it нашри.
Эслатиб ўтамиз, ҳозирда "Рома" А Серия турнир жадвалида бешинчи ўринда бормоқда.
