Испания чемпионатининг 24-тури доирасида "Барселона" сафарда "Жирона"га 1:2 ҳисобида имкониятни бой берди. "Кўк-анорранглилар" дарвозабони Жоан Гарсия учрашувдан сўнг ўз таассуротлари билан ўртоқлашди.
"Менинг асосий вазифам — голларнинг олдини олиш. Бу ўйинда дарвозамга биз истагандан кўра анча кўп зарбалар йўлланди. Агар жамоа ютқазаётган бўлса, менинг сейвларим ҳеч қандай аҳамиятга эга эмас.
Биз ўйинимизни яхшилашимиз керак. Рақибларга гол уриш учун жуда кўп имкониятлар бериб қўйяпмиз. Бунинг устида ишлаймиз", — дея футболчининг сўзларини келтиради "Marca" газетаси.
Ушбу мағлубиятдан сўнг Ханс-Дитер Флик шогирдлари пешқадам "Реал Мадрид"дан икки очкога ортда қолмоқда.
