Ispaniya chempionatining 24-turi doirasida "Barselona" safarda "Jirona"ga 1:2 hisobida imkoniyatni boy berdi. "Ko‘k-anorranglilar" darvozaboni Joan Garsiya uchrashuvdan so‘ng o‘z taassurotlari bilan o‘rtoqlashdi.

"Mening asosiy vazifam — gollarning oldini olish. Bu o‘yinda darvozamga biz istagandan ko‘ra ancha ko‘p zarbalar yo‘llandi. Agar jamoa yutqazayotgan bo‘lsa, mening seyvlarim hech qanday ahamiyatga ega emas.

Biz o‘yinimizni yaxshilashimiz kerak. Raqiblarga gol urish uchun juda ko‘p imkoniyatlar berib qo‘yyapmiz. Buning ustida ishlaymiz", — deya futbolchining so‘zlarini keltiradi "Marca" gazetasi.

Ushbu mag‘lubiyatdan so‘ng Xans-Diter Flik shogirdlari peshqadam "Real Madrid"dan ikki ochkoga ortda qolmoqda.