«Манчестер Юнайтед»нинг собиқ ҳужумчиси Антони Марсьяль ўтган йилнинг сентябрь ойида Мексиканинг «Монтеррей» клуби таркибига келиб қўшилган эди. Ўтган дам олиш кунлари жамоа «Леон»га қарши майдонга тушди ва Марсьяль жароҳати сабабли биринчи бўлим охирида алмаштирилди.
Марсьяль елкасидан чиқиш жароҳатини олди ва зудлик билан касалхонага ётқизилди. talkSPORT нашрининг хабарига кўра, агар жарроҳлик амалиёти талаб этилмаса, француз футболчисининг тикланиши учун тахминан 4-6 ҳафта вақт керак бўлади. Агар Антони операция қилинса, у ҳолда сафдан чиқиш муддати 3 ойдан 6 ойгача узайиши мумкин.
Антони Марсьяль ҳозирда 30 ёшда. Нуфузли Transfermarkt портали футболчининг трансфер нархини 6 миллион еврога баҳоламоқда.
