Хаби Алонсо январь ойида "Реал"дан бўшатилгач, клубсиз қолган эди. "The Touchline" нашри журналист Фабрис Хокинсга таяниб хабар беришича, яқинда "Марсель" Алонсо билан алоқага чиққан. Провансалликлар испаниялик мутахассисга бош мураббийлик лавозимини таклиф қилишган. Бироқ, Хаби бу таклифни рад этди – унга клуб ичидаги беқарорлик ёқмаган.
Эслатиб ўтамиз, яқинда "ПСЖ"дан қабул қилинган 0:5 ҳисобидаги мағлубиятдан сўнг "Марсель" Роберто де Дзерби билан хайрлашган эди.
Айни дамда "Марсель" Франция чемпионати турнир жадвалида тўртинчи ўринни эгаллаб турибди. Провансалликлар навбатдаги ўйинини 20 февраль куни Лига 1 доирасида сафарда "Брест"га қарши ўтказишади.
