"Астон Вилла"нинг ҳужумкор ярим ҳимоячиси Морган Рожерс топ-клублар эътиборига тушди.
"TEAMtalk" нашрининг хабарига кўра, 23 ёшли футболчини сотиб олишга асосий даъвогар "Ливерпуль" бўлиб турибди. Бироқ, ҳозирги вақтда "қизиллар" футболчи трансфери бўйича музокаралар олиб бораётгани йўқ. Шунингдек, Рожерсга "Арсенал", "Манчестер Юнайтед" ва "Тоттенхэм" клублари ҳам қизиқиш билдирмоқда.
Морган Рожерс 2024 йилда "Мидлсбро"дан "Астон Вилла"га тўққиз миллион евро эвазига ўтган эди. Унинг амалдаги шартномаси 2031 йил 30 июнгача мўлжалланган. Жорий мавсумда ярим ҳимоячи "шерлар" сафида барча турнирларда 37 та ўйинда иштирок этиб, 10 та гол урди ва еттита голли узатмани амалга оширди.
