"Атлетико" бош мураббийи Диего Симеоне клуб президенти Энрике Сересо ва бошқа раҳбарлардан махсус кўрсатма олди. "The Touchline" нашрининг хабар беришича, Симеонега асосий эътиборни Испания Кубогида ғолиб чиқишга қаратиш тавсия этилган.
Манбага кўра, "Атлетико" хўжайинлари Ла Лигада чемпионлик учун реал имкониятлар қолмаганини, Чемпионлар лигасида эса зафар қучиш жуда қийин бўлишини тушуниб туришибди. Аммо Испания Кубогида вазият анча ижобий — ярим финалнинг илк ўйинида "Барселона" устидан қозонилган 4:0 ҳисобидаги йирик ғалаба мадридликларни финал остонасига олиб келган.
Қайд этилишича, "Барселона"га қарши бўлиб ўтадиган жавоб учрашуви олдидан "Атлетико"нинг бир қатор асосий ўйинчиларига дам берилиши кутилмоқда.
