"Ливерпуль"нинг афсонавий ҳимоячиси, ҳозирда Британия телевидениесида эксперт сифатида фаолият юритаётган Жейми Каррагер "Арсенал"нинг жорий мавсумда АПЛда ғолиб чиқишига тўсқинлик қилиши мумкин бўлган асосий омилни айтди.
"Менимча, "Арсенал" футболчиларида менталитет ажойиб, бироқ муаммо ҳужумдаги юлдузларнинг етишмаслигида бўлиши мумкин. Бу уларга чемпионлик учун пойгада қимматга тушиш эҳтимоли бор. "Арсенал"га қараганимда, уларда ҳужум чизиғида ҳақиқий етакчини кўрмаяпман. Ҳозирда ҳамма "Арсенал"ни АПЛнинг энг яхши жамоаси деб ҳисобламоқда, аммо "Манчестер Сити" бундай вазиятлардан олдин ҳам ўтган ва керакли тажрибага эга", — деди Каррагер.
Қайд этиш жоизки, 26 та турдан сўнг "Арсенал" 57 очко билан АПЛ турнир жадвалида пешқадамлик қилмоқда.
