Туриннинг «Ювентус» клуби собиқ футболчиси Алессандро дель Пьеро «Интер» ҳимоячиси Алессандро Бастонининг узр сўраганига муносабат билдирди. Италиялик ҳимоячи яқинда бўлиб ўтган ўзаро ўйинда «кекса синьора» аъзоси Пьер Калюлюнинг четлатилишини ҳаддан ташқари ҳиссиёт билан нишонлаган эди.
«Бу ажойиб иш бўлди. Содир бўлган воқеадан сўнг ҳаммасини мулоҳаза қилиб кўриш ва ноҳақлигини тан олиш керак эди. Бу унинг шарафига шараф қўшади. Ҳеч ким идеал бўла олмайди, аммо хатолар орқали инсон яхшироқ бўлиши мумкин», — дея дель Пьеронинг сўзларини келтирмоқда «TuttoJuve».
Эслатиб ўтамиз, «Интер» ва «Ювентус» ўртасидаги учрашув ўтган дам олиш кунлари бўлиб ўтган эди. «Кекса синьора» сафарда 2:3 ҳисобида имкониятни бой берди.
