Turinning «Yuventus» klubi sobiq futbolchisi Alessandro del Pyero «Inter» himoyachisi Alessandro Bastonining uzr so‘raganiga munosabat bildirdi. Italiyalik himoyachi yaqinda bo‘lib o‘tgan o‘zaro o‘yinda «keksa sinyora» a’zosi Pyer Kalyulyuning chetlatilishini haddan tashqari hissiyot bilan nishonlagan edi.
«Bu ajoyib ish bo‘ldi. Sodir bo‘lgan voqeadan so‘ng hammasini mulohaza qilib ko‘rish va nohaqligini tan olish kerak edi. Bu uning sharafiga sharaf qo‘shadi. Hech kim ideal bo‘la olmaydi, ammo xatolar orqali inson yaxshiroq bo‘lishi mumkin», — deya del Pyeroning so‘zlarini keltirmoqda «TuttoJuve».
Eslatib o‘tamiz, «Inter» va «Yuventus» o‘rtasidagi uchrashuv o‘tgan dam olish kunlari bo‘lib o‘tgan edi. «Keksa sinyora» safarda 2:3 hisobida imkoniyatni boy berdi.
