«Фейеноорд» ҳужумчиси Раҳим Стерлинг Англия Премьер-лигасига қайтиши мумкин.
«Sports Boom» берган маълумотларга кўра, шу ёзда «Астон Вилла» ва «Манчестер Юнайтед» ҳужумчини ўз сафига қўшиб олиш вариантини кўриб чиқишлари мумкин. Агар Стерлинг Нидерландияда муваффақиятли ҳаракат қилса, ҳар икки жамоа кейинги мавсум бошланишидан аввал футболчининг трансферини эркин агент сифатида расмийлаштиришга ҳаракат қилиб кўриши эҳтимол.
Раҳим Стерлинг «Фейеноорд» билан 2026 йилнинг 30 июнигача шартнома имзолаган. Ҳозирги вақтда футболчи виза билан боғлиқ муаммолар сабабли Нидерландия клубида майдонга туша олмаяпти. Шунингдек, ҳужумчи ўз фаолияти давомида «Ливерпуль», «Манчестер Сити», «Челси» ва «Арсенал» шарафини ҳимоя қилган. «Transfermarkt» портали Стерлингнинг нархини 5 миллион еврога баҳоламоқда.
