«Барселона» собиқ футболчиси Боян Кркич жамоанинг муаммолари ҳақида ўз фикри билан ўртоқлашди.

«Кўк-анорранглилар» охирги икки ўйинда мағлубиятга учрашди: аввалига Ханс-Дитер Флик шогирдлари Испания Кубогида Мадриднинг «Атлетико» жамоасига йирик ҳисобда (0:4) имкониятни бой берди, кейин эса Ла Лигада кутилмаганда «Жирона»дан енгилди (1:2).

«Мен футболчиларда иштиёқ билан боғлиқ муаммони кўрмаяпман, аммо ҳимояда қандай ҳаракат қилиш кераклигини билиш лозим. Мисол тариқасида доим курашга тайёр турадиган Фермин Лопесни келтириш мумкин, бироқ яккама-якка дуэлларда бу (ортиқча иштиёқ) жамоага қарши ишлаб қолиши мумкин», – деди «Барселона» спорт раҳбариятида фаолият юритаётган Кркич «Que T'hi Jugues» нашрига берган интервьюсида.

22 февраль куни Каталония гранди ўз майдонида «Леванте»ни қабул қилади.