Англия терма жамоаси собиқ бош мураббийи Рио Фердинанднинг таъкидлашича, "уч арслон" инқирозга юз тутган.
"Бу Ходдл давридан бошланган деб ўйламайман. Яъни жамоага қараб туриб унинг ўзига хослигини кўришингиз ва "Бу - Англия терма жамоаси" дейишингиз мумкин эди. Аммо ҳозир, агар футболкалардан фамилияларни ўчириб ташлаб, рангларини ўзгартирган ҳолда ўйинини томоша қилсангиз ҳам, "Бу - Англия терма жамоаси, бу бизнинг уз услубимиз, биз шундай ўйнаймиз", деб бўлмайди.
Италия, Голландия, Испания, Германия, Бразилия терма жамоаларига қаранг. Футболкаларидаги исмларига эътибор бермай ҳам уларни таниб олишингиз мумкин, чунки улар ўз ўйинларини кўрсатадилар.
Бизнинг эса асосий жамоамиз билан ёшлар ва ўсмирлар термаларимиз ўртасида боғлиқлик йўқ. Бу Англия терма жамоалари учун яхши эмас", деди Фердинанд.
