Ўтган ёзда "Манчестер Сити" аргентиналик иқтидорли ярим ҳимоячиси Клаудио Эчеверрини "Байер"га ижарага берган эди. Германияда етарлича ўйин амалиёти олмаган футболчи қишда қайтариб олинди ва энди "Жирона"га юборилди.
Клаудио янги жамоасида анча бахтли эканлигини айтди.
"Германияда мен жуда хафа эдим. Бу ерда эса завқ оляпман ва вақтимни чоғ ўтказяпман", — дея футболчининг сўзларини "derbyderbyderby.it" нашри келтирмоқда.
Куни кеча "Жирона" "Барселона"ни 2:1 ҳисобида мағлуб этди. Ҳозирда Каталония клуби Испания чемпионати турнир жадвалида ўн иккинчи ўринни эгаллаб турибди. Ла Лиганинг навбатдаги турида "Жирона" сафарда "Алавес" билан тўқнаш келади. Учрашув душанба куни, 23 февралда бўлиб ўтади.
