O‘tgan yozda "Manchester Siti" argentinalik iqtidorli yarim himoyachisi Klaudio Echeverrini "Bayer"ga ijaraga bergan edi. Germaniyada yetarlicha o‘yin amaliyoti olmagan futbolchi qishda qaytarib olindi va endi "Jirona"ga yuborildi.

Klaudio yangi jamoasida ancha baxtli ekanligini aytdi.

"Germaniyada men juda xafa edim. Bu yerda esa zavq olyapman va vaqtimni chog‘ o‘tkazyapman", — deya futbolchining so‘zlarini "derbyderbyderby.it" nashri keltirmoqda.

Kuni kecha "Jirona" "Barselona"ni 2:1 hisobida mag‘lub etdi. Hozirda Kataloniya klubi Ispaniya chempionati turnir jadvalida o‘n ikkinchi o‘rinni egallab turibdi. La Liganing navbatdagi turida "Jirona" safarda "Alaves" bilan to‘qnash keladi. Uchrashuv dushanba kuni, 23 fevralda bo‘lib o‘tadi.