"Барселона" ярим ҳимоячиси Педри жароҳати сабабли қарийб бир ойни ўтказиб юборди. Бироқ хушхабар бор — футболчи сафга қайтмоқда. "AS" нашрининг хабар беришича, Педри Испания чемпионатининг навбатдаги тури доирасидаги "Леванте"га қарши ўйинда "кўк-анорранглилар"га ёрдам бера олади.
2025/2026 йилги мавсумда Педри 25 та ўйинда майдонга тушиб, ўз ҳисобига иккита гол ва шерикларига саккизта голли узатмани ёздириб қўйди.
"Барселона" Ла Лига турнир жадвалида иккинчи ўринда бормоқда ва "Реал"дан икки очкога ортда қолмоқда. "Леванте"га қарши баҳс каталонияликлар учун ўз майдонида бўлиб ўтади ва якшанба, 22 февраль кунига белгиланган. Учрашувнинг бошланиш ҳуштаги Тошкент вақти билан 20:15 да чалинади.
