Ўтган мавсумни Қаршининг "Насаф" жамоасида ўтказган ҳужумчи Ҳусайн Норчаев фаолиятини Водийда давом эттиради.
"Навбаҳор" 24 ёшли ҳужумчи билан шартнома имзолаганини эълон қилди. Келишув тафсилотлари ҳозирча номаълум.
Норчаев фаолияти давомида "Насаф"дан ташқари "Алания" (Россия) ва "Нефтчи" клубларида ўйнаган. Transfermarkt портали уни ҳозирда 800 минг еврога баҳоламоқда. Норчаев фаолиятида умумий 165 та ўйинда 62 та гол уриб, 13 та ассист муаллифи бўлган.
Маълумот ўрнида, Ҳусайн жиддий жароҳат сабаб янги мавсумнинг яримини ўтказиб юбориши кутилмоқда.
