Мадриднинг «Атлетико» клуби бош мураббийи Диего Симеоне Бельгиянинг «Брюгге» жамоасига қарши кечган Чемпионлар Лигаси плей-офф босқичидаги дурангдан сўнг (3:3) ўз фикрлари билан ўртоқлашди.
«Матрасчилар» танаффусга қадар 2:0 ҳисобида олдинда боришди, бироқ мезбонлар иккинчи бўлим бошида иккита тезкор гол билан жавоб қайтаришди. 79-дақиқада мадридликлар яна ҳисобда олдинга чиқиб олишган бўлса-да, Бельгия жамоаси 89-дақиқада урилган гол эвазига мағлубиятдан қутулиб қолди.
«Менда қийин рақибга қарши ажойиб кураш олиб бордик, деган туйғу қолди. Адолатли дуранг. Бизга қарши, эҳтимол, Чемпионлар Лигасининг энг интенсив (юқори суръатда ўйнайдиган) жамоаси тўқнаш келди», — дея Симеоненинг сўзларидан иқтибос келтиради Atletico Universe.
Жавоб учрашуви кейинги сешанба, 24 февраль куни Испания пойтахтида бўлиб ўтади.
